TF Mecomicse — Typeface.ge-ს ახალი ფონტი კომიქსის ინდუსტრიისთვის

 

საქართველოში კომიქსის მიმართულება ჯერ კიდევ განვითარების ეტაპზეა და ერთ-ერთი ყველაზე დიდი გამოწვევა კომიქსის ვიზუალური სტილის შესაბამისი, პროფესიონალური ფონტების პოვნაა. 

სწორედ ეს პრობლემა და სფეროს განვითარების სურვილი გახდა პროექტის ინსპირაციის წყარო – შეგვექმნა ფონტი, რომელიც რეალურად უპასუხებს კომიქსის დიზაინის საჭიროებებს.

 

TF Mecomicse  Typeface.ge -სა და Mecomicse -ს თანამშრომლობით შექმნილი შრიფტია, რომლის ავტორია მარიამ ჩაჩანიძე. 

 

 

 

 

ᲠᲐᲢᲝᲛ ᲒᲐᲮᲓᲐ ᲡᲐᲭᲘᲠᲝ ᲡᲞᲔᲪᲘᲐᲚᲣᲠᲘ ᲤᲝᲜᲢᲘᲡ ᲨᲔᲥᲛᲜᲐ  ᲙᲝᲛᲘᲥᲡᲘᲡ ᲘᲜᲓᲣᲡᲢᲠᲘᲘᲡᲗᲕᲘᲡ?

კომიქსის დიზაინი ტექნიკურადაც და ვიზუალურადაც განსაკუთრებულ მოთხოვნებს უყენებს ფონტებს: 

• უნდა იყოს მკაფიო და ჰქონდეს კარგი კითხვადობა.

• ჰქონდეს ხელნაწერის ეფექტი, სასურველია ჰქონდეს ბევრი სისქის სტილი და Italic ვარიანტები.

• მხედრულთან ერთად, დამატებული იყოს მთავრული ასოები. 

• მოიცავდეს ალტერნატიულ სიმბოლოებს, როგორც ვიზუალური მრავალფეროვნების შესაქმნელად, ისე კონკრეტული ტექნიკური პრობლემების გადასაჭრელად და ა.შ. 

 

 

მეკომიქსე არტისტებისთვის მთავარი პრობლემაა ის, რომ მათთვის რთულია ისეთი ქართული ფონტების მოძიება, რომლებიც სრულად დააკმაყოფილებს მათ საჭიროებებს, ამიტომ ხშირად უწევთ დიდი დროის და ენერგიის დახარჯვა კომიქსების ტექსტურ ნაწილზე სამუშაოდ.

TF Mecomicse-ს ინსპირაცია სწორედ ისეთი შრიფტის შექმნა გახდა, რომელიც კომიქსის მიმართულების მოთხოვნებს დააკმაყოფილებდა. 

TF Mecomicse – ᲐᲮᲐᲚᲘ ᲥᲐᲠᲗᲣᲚᲘ ᲤᲝᲜᲢᲘ, ᲠᲝᲛᲔᲚᲘᲪ ᲡᲞᲔᲪᲘᲐᲚᲣᲠᲐᲓ ᲨᲔᲘᲥᲛᲜᲐ ᲥᲐᲠᲗᲣᲚᲘ ᲙᲝᲛᲘᲥᲡᲘᲡ ᲙᲣᲚᲢᲣᲠᲘᲡᲗᲕᲘᲡ.

 

ᲡᲘᲛᲑᲝᲚᲝᲔᲑᲘᲡ ᲜᲐᲙᲠᲔᲑᲘ

 

შრიფტი მოიცავს სიმბოლოს თითოეულ სტილში (სულ-1308 სიმბოლოს).

ამასთან 3 წონასა და 6 სტილს: Light, Regular, Bold, თავისი Italic ვარიანტებით. 

 

 

 

ფონტს აქვს მხედრული, მთავრული და ლათინური ანბანები.

 

 

 ასევე, ციფრები, ვალუტისა და სასვენი ნიშნები.

ᲛᲗᲐᲕᲠᲣᲚᲘᲗ ᲬᲔᲠᲐ

 

 

შრიფტი მხედრულთან ერთად  მოიცავს მთავრულ სიმბოლოებს. ზოგიერთ პროგრამაში all caps ფუნქცია გამართულად არ მუშაობს მთავრულის შემთხვევაში. 

ალტერნატიულ გამოსავლად შეგვიძლია შემოგთავაზოთ ჩვენი ახალი კლავიატურა, დავით მაისურაძისა და ანა სანიკიძის ავტორობით. ამ კლავიატურით შეძლებთ caps lock ღილაკის გამოყენებით დაბეჭდოთ მთავრულით, როგორც ამას ვაკეთებთ ლათინურის შემთხვევაში. 

 

ᲙᲘᲗᲮᲕᲐᲓᲝᲑᲐ VS  ᲔᲡᲗᲔᲢᲘᲙᲐ

კომიქსის კითხვისას საჭიროა, რომ შრიფტის დიზაინმა მომხმარებლის თვალი არ შეაფერხოს ტექსტზე და იყოს მარტივად აღქმადი. 

 

 

კითხვადობის გასაუმობესებლად ასოები მკაფიო ფორმისაა, არაა ზედმეტად დეფორმირებული, როგორც ეს ხდება ხოლმე ხელნაწერ შრიფტებში  და მოხაზულობები უფრო მეტად მიახლოვებულია ტექსტურ შრიფტთან, ვიდრე ხელნაწერთან. 

ᲮᲔᲚᲜᲐᲬᲔᲠᲘᲡ ᲔᲤᲔᲥᲢᲘ

ხელნაწერის ეფექტის მისაცემად გამოყენებულია მარკერის სტილი, რაც ხშირად გამოიყენება მსოფლიო კომიქსების ინდუსტრიაში. 

 

 

 

მარკერის მონასმის იმიტირება ქმნის მცირე კონტრასტს, შეაქვს დინამიურობა დიზაინში და ხელნაწერის შესახედაობის შექმნა შეუძლია.

 

 

 

ᲐᲚᲢᲔᲠᲜᲐᲢᲘᲣᲚᲘ ᲡᲘᲛᲑᲝᲚᲝᲔᲑᲘ

კომიქსების ინდუსტრიის  ერთ-ერთი მოთხოვნა შრიფტის დიზაინის მიმართ არის  - ბევრი ალტერნატიული სიმბოლოს არსებობა.

ერთის მხრივ, ალტერნატივების გამოყენება მეტად რელევანტურია ხელნაწერის ეფექტის მისანიჭებლად. მეორეს მხრივ კი ამას აქვს ტექნიკური დანიშნულებაც:

ლაპარაკის ღრუბლები/ბუშტები, სადაც სასაუბრო ტექსტი უნდა განთავსდეს მცირე ზომისაა,  ამიტომ ხშირად საჭიროა მცირე სივრცეზე დიდი რაოდენობის ტექსტის დატევა. 

 

 

 

ამისთვის ქართულში კარგი ხერხია ისეთი ასოების ალტერნატივების გამოყენება, როგორებიცაა „ლ“, „დ“, „რ.. ისინი უფრო მცირე ადგილს იკავებენ, ამიტომ მათი გამოყენებით შესაძლებელია ტექსტის მოცულობის შემცირება.

ამასთან შრიფტს აქვს ბევრი ალტერნატიული სასვენი ნიშანი. რადგან კომიქსი საუბარს და მის ტონს გადმოსცემს, სხვადასხვა სტილის სასვენი ნიშნები ემოციების უფრო ფართო დიაპაზონის გადმოცემის შესაძლებლობას იძლევა. 

ᲡᲐᲗᲐᲣᲠᲔᲑᲘ 

 

კომიქსებში სათაურებისთვის და აქცენტებისთვის  ხშირად გამოიყენება ტექსტური ეფექტები:

 

 

 

ᲚᲘᲪᲔᲜᲖᲘᲐ: 

 

ვინაიდან მეკომიქსეები ქართული კომიქსის სფეროს განვითარებაზე ზრუნავენ, ჩვენთვისაც ინსპირაცია იყო, რომ ჩვენი წვლილიც შეგვეტანა ამ სფეროს განვითარებაში, ამიტომ ფონტი აკმაყოფილებს ამ სფეროს მოთხოვნებს და რაც მთავარია, არის უფასო როგორც პირადი ასევე კომერციული გამოყენებისთვის. 

 

ჩვენი სურვილია, ფონტმა ხელი შეუწყოს ახალგაზრდა ავტორებს და სტუდიებს, რომ ნაკლები  დროის დათმობა დასჭირდეთ ფონტის არჩევასა და მოდიფიცირებაზე და მეტად შეძლონ კონცენტრირება თავიანთ შემოქმედებაზე.  

 

ᲤᲝᲜᲢᲘᲡ ᲒᲐᲓᲛᲝᲬᲔᲠᲐ ᲨᲔᲒᲘᲫᲚᲘᲐᲗ:  ლინკი.

 

 

 

სტატიის ავტორი: 

 

 

   მარიამ ჩაჩანიძე

 

 

 Facebook     Instagram